Plantun de Prouvènço

Pèr coumpara dos planto d'encò nostre

Thymelaea hirsuta & Barbilophozia lycopodioides

Thymelaea hirsuta

Thymelaeaceae

Nom en français : Passerine hérissée.

Descripcioun :
Aquelo trintanello es un aubret que trachis sus li roucas en ribo de mar. Se recounèis à si fueio apignelado de 2 à 4 (10) mm. Li jóuini ramo soun di proun bourrihudo. Fai de pichòti flour jauno de 2 à 4 mm emé quatre petalo.

Usanço :
Planto empouisounanto que caup de diterpène. Pòu douna de reacioun enflamativo grèvo emé la péu, la bouco e lis iue. Èi peréu cancerogèno.

Port : Aubret
Taio : 30 à 100 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Thymelaea
Famiho : Thymelaeaceae

Ordre : Malvales

Coulour de la flour : Jauno
Petalo : 4
Ø (o loungour) flour : 2 à 4 mm
Flourido : Printèms Ivèr

Sòu : Ca
Autour basso e auto : 0 à 50 m
Aparado : Vo
Remarco : Meno aparado
Óutobre à abriéu

Liò : Mar - Relarg à jóuinis aubret - Roucas
Estànci : Termoumediterran à Mesoumediterran
Couroulougi : Estenoumediterrano
Ref. sc. : Thymelaea hirsuta (L.) Endl., 1847

Barbiho-de-la-grando

Barbilophozia lycopodioides

Anastrophyllaceae

Nom en français : Grande barbille.

Descripcioun :
Aquesto grando barbiho crespudo trachis sus li roucas séusous de mountagno dins li relarg fres. Fai ges de gemo, mai i'a d'amfigastre. Se recounèis à si fueio subsimetrico di tres à quatre lobe sus de ramo de tipe Frullania e acabado pèr de benc (fotò). Se vèi peréu de ciho à la baso de la fueio (fotò). Li celulo caupon de 3 à 10 ouleoucors. La planto èi marcado sus listo roujo categourìo LC valènt à dire soucit minour.

Usanço :
Es poussible de s'engana emé d'àutri epatico dóu meme gènre (coume B. hatcheri) o emé : Trilophozia quinquedentata, Saccobasis polita...